Halló listaverk! I

Ný íslensk myndlist. um manninn, veruleikann og ímyndina.
12. nóvember 2004 - 16. janúar 2005

Niðurstöður úr verkefnum nemenda

Tæplega 200 nemendur, frá sjö skólum, tóku þátt í verkefninu.
Verkefnisstjóri kynnti verkefnið, nemendur fengu lánaða síma til afnota eða notuðu sína eigin og voru beðnir að hringja í númer verkanna án þess að hafa séð þau.

Þetta vakti, nánast undantekningarlaus, áhuga nemendanna á því að heimsækja safnið og skoða verkin, jafnt hjá þeim nemendum sem reglulega heimsóttu safnið sem þeim sem aldrei höfðu komið þangað.
Þeir töldu þó ólíklegt að þeir myndu hringja án þess að hafa verkin fyrir framan sig og töldu að til þess þyrftu að vera með öðru sniði og ýtarlegri. Með því er átt við upplýsingar um stærðir, form, liti og þess háttar sem hjálpa til við að ýminda sér útlit verkanna.

Nemendur heimsóttu einnig safnið og skoðuðu sýninguna, þeir hringdu og fengu upplýsingar um listamennina og verk þeirra og svöruðu viðhorfskönnun í tengslum við verkefnið.

Þeir töldu þetta hraðvirka, fræðandi og nútímalega leið sem vakti þá til frekari umhugsunar um verkin og veitti þeim innsýn í huga listamannanna.
Nemendum þótti það góður kostur að geta heyrt um listamennina og verkin á meðan þeir skoðuðu sýninguna, og þótti sérstaklega áhugavert að geta heyrt frá listamönnunum sjálfum. Þeim þótti þetta einnig nútímaleg framsetning sem auðveldaði fólki að fá leiðsögn um safnið, hvenær sem er og hvaðan sem er.

Töldu þeir upplýsingarnar almennt ekki hafa haft bein áhrif á skoðanir sínar eða sýn á verkunum en sögðu þær gagnlegar, og vera fræðandi, skemmtilega og jafnvel nauðsynlega viðbót, sem færði listaverkunum aukið líf.

Þrátt fyrir afar jákvæð viðbrögð nemendanna voru einstaka neikvæðar athugasemdir, helst varðandi kostnað vegna símtala og að upplýsingarnar gætu haft áhrif á túlkun áhorfandans og skilið eftir takmarkað svigrúm fyrir ímyndunarafl hans.

TIL BAKA